Gazetari i Top Channel, Artur Bibe tha në “Wake Up” se Greqia mund të hapë kufijtë me Shqipërinë pas 15 majit, deri në 1 qershor.
“Me Shqipërinë kemi shifra shumë të larta të infektimit, nuk bëhet fjalë që të kemi një hapje të shpejtë nëse nuk vaksinohet më përpara 30% e popullsisë dhe pjesa tjetër të ajo që i themi imuniteti i tufës.
Këto shifra i llogarisim që Shqipëria mund t’i kapë rreth mesit të majit dhe fundit të tij. Kështu që, koha më e përshtatshme që autoritetet greke thonë se mund t’i hapin me Shqipërinë është pas 15 majit dhe deri në 1 qershor. Besoj se kalkulimet aty na nxjerrin.
Rikujtojmë këtu se në Greqi lejohen të kalojnë
- Të gjithë qytetarët shqiptar me leje qëndrimi në Greqi (të gjithë kategoritë)
- Të gjithë qytetarët me nënshtetësi greke
- Të gjithë qytetarët që kanë visë greke
- Punëtorët e specializuar që disponojnë vizë pune ku përfshihen dhe punëtorët sezonal (për këta të fundit nuk ka filluar akoma proçedura masive)
- Punëtorët në kompanitë e transportit, anijeve etj që diponojnë vizë ose leje të posaçme për hyrje në Greqi
Nuk lejohen të kalojnë në Greqi nga asnjë pikë kufitare
- Qytetarë shqiptarë që dëshirojnë të vizitojnë Greqinë si turista dhe janë të pajisur vetëm me pasaportë
- Qytetarë shqiptarë që dëshirojnë të vizitojnë Greqinë familjarët e tyrë dhe do përdorin të drejtën e qëndrimit të 90 ditëshit
- Qytaterë Shqiptar që jetojnë në Greqi dhe kanë vërtetim të bardhë
- Qytetarë që kanë pasaportë e cila nuk i përket asnjë shteti të zonës Shengen
Burimi https://top-channel.tv/2021/04/16/gazetari-zbulon-kur-pritet-ti-hape-greqia-kufijte-per-shqiptaret
